ആഗോള പുരോഗമന ബുദ്ധിജീവി പൊതുബോധ മണ്ഡലം ഇടക്കിടെ ചർച്ച ചെയ്യപ്പെടുന്ന വിഷയമാണ് സ്ത്രീകളുടെ വസ്ത്രധാരണം. ഈ ചർച്ചകളൊക്കെയും നടക്കുന്നത് ഈയുള്ളവൻ കഷ്ടപ്പെട്ട് ഗവേഷണം നടത്തി വികസിപ്പിച്ചെടുത്ത സിദ്ധാന്തത്തിന്റെ അടിസ്ഥാനത്തിലാണ് എന്നത് പലർക്കും അറിയില്ല എന്നതാണ് വസ്തുത. ഇന്ന് വരെ അതിന്റെ യാതൊരു പരിഗണനയോ അംഗീകാരമോ പൗരസ്വീകരണമോ പൊന്നാടയോ അവാർഡോ സോപ്പ് പെട്ടിയോ, എന്തിന് ഒരു അവിൽ മിൽക്കോ പോലും എനിക്കിത് ലഭിച്ചിട്ടില്ല. ഇനിയും ഈ അവഗണന സഹിക്കാൻ കഴിയില്ല.
വസ്ത്രന്ത്യസിദ്ധാന്തം – By ആധുനികൻ Pro Max (Scientific Temper 33°C )
Cited – യുക്താണ്ഡവർമ്മ, പരാഗണം പുരോഗമണൻ, ലിബറലി, യുക്തത്രി ജബ്രെഷ്, ജബ്രമ്മ വർഗ്ഗീസ്, ജബ്രീന യുക്തിയ and 7 others.
ഒരാളുടെ വസ്ത്രത്തിന്റെ നീളം കുറയുന്നതിനനുസരിച്ച് സ്വാതന്ത്ര്യത്തിന്റെ അളവ് കൂടും എന്നതാണ് ഈസിദ്ധാന്തത്തിന്റെ കാതൽ. വസ്ത്രത്തിന്റെ നിറം, ഇടുക്കം എന്നിവയും സ്വാന്ത്ര്യവുമായും പുരോഗമനവുമായും ധൈര്യവുമായി ബന്ധമുണ്ടെന്നും സിന്താന്തം സമർത്ഥിക്കുന്നു. സ്വാതന്ത്ര്യം inversely proportional to വസ്ത്രത്തിന്റെ നീളം എന്നാണ് സമവാക്യം.
യുവർ സ്വാതന്ത്ര്യം + പുരോഗമനം + ധൈര്യം ∝ നീളം ഓഫ് യുവർ ഡ്രസ്സ്.
ഈ സിദ്ധാന്തമനുസരിച്ച് ലോകത്തിൽ ഇന്ന് ലോകത്ത് പുരുഷുക്കളേക്കാൾ സ്വാതന്ത്ര്യവും പോരോഗമനവും ധൈര്യവും സ്ത്രീകൾക്കാണുള്ളത്.
സിനിമയിൽ നായകനെക്കാളും സ്വാതന്ത്ര്യം നായിക്കക്കായിരിക്കും. അവാർഡ് ഷോയിൽ നടന്മാരെക്കാളും സ്വാതന്ത്ര്യവും പുരോഗമനവും നടിമാർക്കായിരിക്കും. കളിക്കളത്തിൽ ലിയാണ്ടർ പേസിനെക്കാളും ഫെഡററെക്കാളും സ്വാതന്ത്ര്യം സെറീന വില്യംസിനും സാനിയ മിർസക്കുമാണ്. കാഷ്വൽ, ഫോർമൽ, സ്പോർട്സ്, സ്വിമ്മിങ് സ്യൂട്ട് അങ്ങനെ ഏത് തരം ഡ്രസ്സെടുത്തലും സ്വാതന്ത്ര്യവും ധൈര്യവും പുരോഗമനവും സ്ത്രീകൾക്കാണ് ഏറ്റവും കൂടുതൽ. അന്തരീക്ഷത്തിലെ പുരോഗമന ഓക്‌സൈഡ് ശരീരവടിവുകളിൽ പറ്റിപ്പിടിച്ചിരുന്ന് രാസപ്രവർത്തനം നടത്തിയാണ് ഉയർന്ന തോതിലുള്ള പോരോഗമനവും സ്വാതന്ത്ര്യവും ധൈര്യവും ഉല്പാദിപ്പിക്കപ്പെടുന്നത്. ജനസാന്ദ്രതായുള്ള പ്രദേശങ്ങളിൾ പുരോഗമന ഓക്‌സൈഡ് കൂടുതൽ ഉള്ളതിനാൽ കൂടുതൽ ഉത്പാദനം നടക്കും. അന്തരീക്ഷത്തിലെ ജലകണങ്ങളും പുരോഗമനത്തിന്റെ ഉത്പാദനം കൂടാൻ കാരണമാകുന്നുണ്ട്. പല സിനിമകളിലും നായികയെ കൃതിമ മഴയിലിൽ നനക്കുക, പുഴയിൽ ചാടിക്കുക തുടങ്ങിയ സീനുകൾ ഉൾപെടുത്തുകയും, പുരോഗമനം നടക്കുന്ന ശരീര ഭാഗങ്ങൾ ക്ളോസപ്പിൽ കാണിക്കുകയും ചെയ്യുന്നതിന്റെ രഹസ്യം അതാണ്. ഉയർന്ന തോതിലുള്ള പുരോഗമനവും സ്വാതന്ത്ര്യവും ഉൾപ്പെടുത്തിയ ഐറ്റം സോങ്ങുകളും നിർമാതാകൾക്ക് നല്ല ലാഭം കിട്ടാൻ കരണംകുന്നുണ്ട്.
കഴിഞ്ഞ ഒളിമ്പ്കസിൽ ജർമൻ ജിംനാസ്റ്റുകൾ സ്വാതന്ത്ര്യവും പുരോഗമനവും ധൈര്യവും കൂട്ടുന്ന വസ്ത്രം ധരിക്കാൻ തയാറാകാതെ മാറ്റിയതിനെ തുടർന്ന് രണ്ടര കിലോ സ്വാതന്ത്ര്യവും മൂന്ന് കിലോ പുരോഗമനവും കുറഞ്ഞതായി റിക്ടർ സ്കെയിൽ രേഖപ്പെടുത്തി. പിന്നീട് കുറവുള്ള പുരോഗമനം സ്വീഡനിൽ നിന്ന് ഇറക്കുമതി ചെയ്താണ് ഒളിമ്പിക്സ് നടപടികൾ മുന്നോട്ട് കൊണ്ട് പോയത്.
പ്രാകൃത കാലത്തൊക്കെ സത്യത്തോടൊപ്പം നിൽക്കുകയും നീതിക്ക് വേണ്ടി പോരാടുകയും ചെയ്തവരെയാണ് നമ്മൾ ധീരരായും വിപ്ലവകാരികളും ഒക്കെയായി കണക്കാക്കിയിരുന്നത്. എന്നാൽ ഇത് വെറും അന്ധവിശ്വാസം ആയിരുന്നെന്നും യഥാർത്ഥത്തിൽ ധൈര്യം വസ്ത്രവുമായി ബന്ധപ്പെട്ടതാണ് എന്നുമാണ് ഈ സിദ്ധാന്തം തെളിയിക്കുന്നത്. ബോൾഡ് ഫാഷൻ സ്റ്റേറ്റ്മെന്റ് എന്നൊക്കെ കേട്ടിട്ടില്ലേ? വസ്ത്രധാരണത്തിലൂടെ അപൂർവ്വ ധൈര്യശാലിയായി മാറിയ സ്ത്രീയുടെ ചിത്രം പഠനവിധേയമാക്കിയ ഗവേഷകർ പറയുന്നത് സാക്ഷാൽ ചാൾസ് ശോഭരാജിന് പോലും ഇത്രയും ധൈര്യം ഉണ്ടായിരുന്നില്ല എന്നാണ്.
പഴയ തലമുറയിൽ പെട്ട മലയാളി പുരുഷുക്കൾ ഉറങ്ങി എണീക്കുമ്പോൾ പൊതുവെ സ്വാതന്ത്ര്യം കൂടുതലുള്ളതായി കാണപ്പെട്ടിരുന്നു. പിന്നെ ഉടുതുണി തപ്പിപ്പിടിച്ച് അല്പം സ്വാതന്ത്ര്യം കുറച്ച ശേഷമേ അവർ പുറത്തിറങ്ങാറൊള്ളു. എന്നാൽ ത്രീഫോർതും ബോക്സറുമിട്ട് കിടന്നുറങ്ങുന്ന പുതിയ തമുറയിലെ പുരുഷുക്കൾക്ക് അത്രയും സ്വാതന്ത്ര്യവും പുരോഗമനവും ധൈര്യവും കാണപ്പെടുന്നില്ല. ഏതായാലും ലോകത്ത് ഏറ്റവും കൂടുതൽ സ്വാതന്ത്ര്യവും പുരോഗമനവും അനുഭവിക്കുന്നത് സ്ത്രീകളാണ് എന്നത് സിദ്ധാന്തം സംശയലേശമന്യേ ശാസ്ത്രീയമായി തെളിയിക്കപ്പെട്ട വസ്തുതയാണ്. ഇത് സ്ത്രീകൾക്ക് പരസ്യ മോഡലിംഗ് രംഗത്ത് വൻവിജയം നേടാൻ സഹായകമായിട്ടുണ്ട്. കപ്പലണ്ടിയുടെ പരസ്യത്തിന് വരെ പുരോഗമനവും സ്വാതന്ത്രവുമുള്ള മനുഷ്യരെ ആവശ്യമുള്ളത് കൊണ്ട് സ്ത്രീകൾക്കാണ് ഈ മേഖലയിൽ കൂടുതൽ അവസരങ്ങൾ ലഭിക്കുന്നത്. പാട്രിയാർക്കി പുരുഷുക്കൾക്ക് ഒരു അപ്രതീക്ഷിത തിരിച്ചടിയായിരുന്നു ഇത്.
ഈ സിദ്ധാന്തത്തിന്റെ അടിസ്ഥാനത്തിൽ പ്രകൃതരായ ചില മനുഷ്യർക്ക് ആധുനികരേക്കാൾ സ്വാതന്ത്ര്യവും പുരോഗമനവും ധൈര്യവും ഉള്ളതായി ചില ആന്ത്രപോളജിസ്റ്റുകൾ ചൂണ്ടിക്കാട്ടുകയും, ഇത് സിദ്ധാന്തത്തിന്റെ ഒരു പോരായ്മയായി ചിലർ ഉന്നയിക്കുകയും ചെയ്യുന്നുണ്ട് . ഇതൊരിക്കലും എൻറെ സിദ്ധാന്തത്തിന് എതിരാകുന്നില്ല. അപ്പോഴും സ്വാതന്ത്ര്യവും പുരോഗമനവും ധൈര്യവും വസ്ത്രവുമായി ബന്ധപ്പെട്ടത് തന്നെയാണ്. അത് ആധുനികന്മാർക്കാണോ പ്രാകൃതർക്കണോ കൂടുതൽ എന്ന കാര്യത്തിൽ മാത്രമാണ് അഭിപ്രായവ്യതാസമുള്ളത്. ഇതിൽ കൂടുതൽ ഗവേഷണങ്ങൾ നടക്കേണ്ടതുണ്ട്.
ഇനി പറ എൻ്റെ സിദ്ധാന്തത്തിന് എന്തെങ്കിലും കൊഴപ്പൊണ്ടോ? കറക്റ്റല്ലേ. ഇനിയെങ്കിലും എനിക്ക് അർഹതപ്പെട്ട നോബൽ സമ്മാനം തരിനെടാ കൂശ്മാണ്ടങ്ങളെ. ലോകം നിക്കോളാസ്‌ ടെസ്‌ലയോട് ചെയ്ത അവഗണയാണ് എന്നോടും ചെയ്യുന്നത്. സയന്റിഫിക് ടെമ്പറുള്ള എല്ലാ ശാസ്ത്ര സ്നേഹികളും ഈ അവഗണനക്കെതിരെ ശബ്‌ദിക്കണം. ജയ് ശാസ്ത്രം! ജയ്പുരോഗമനം!
