ജ്ഞാനശാസ്ത്രം

നമ്മളുടെ പഞ്ചേന്ദ്രിയങ്ങൾ ഉപയോഗിച്ചുള്ള നിരീക്ഷണത്തിലൂടെയും അനുഭവത്തിലൂടെയും നേടുന്ന അറിവുകൾ. ശാസ്ത്ര പഠനങ്ങളുടെ ഒരു പ്രധാന ഘടകമാണ് അനുഭവജ്ഞാനം. എന്നാൽ ഈ രീതിയെ മാത്രം ആശ്രയിക്കുന്നതിൽ പരിമിതികളുണ്ട്. കാരണം നമ്മൾ കാണുന്നതെല്ലാം യാഥാർഥ്യമാവണം എന്നില്ല. ഉദാഹരണത്തിന് ഇന്റർനെറ്റിൽ വൈറലായ നീല, കറുപ്പ് ഡ്രെസ്സിനെ പലരും വെള്ള, സ്വർണ നിറത്തിൽ കാണുന്ന ഒരു ചിത്രം. നമ്മൾ കേൾക്കുന്നതെല്ലാം ശരിയാവണമെന്നില്ല. ഒരേ ശബ്ദം ചിലർ “yanni” എന്നും മറ്റു ചിലർ “laural“ എന്ന് കേൾക്കുന്ന ഇന്റർനെറ്റിൽ വൈറലായ മറ്റൊരു ക്ലിപ്പ് ഉദാഹരണം. എല്ലാ ഒപ്റ്റിക്കൽ ഇല്ല്യൂഷനും നമ്മുടെ പഞ്ചേന്ദ്രിയ അനുഭവങ്ങളെ മാത്രം ആശ്രയിക്കുന്നതിൻ്റെ പരിമിതിയാണ്. അത് പോലെ മണം, രുചി, എന്നത് ജലദോഷമോ മറ്റു അസുഖങ്ങളോ ഉണ്ടെങ്കിൽ വ്യത്യാസപ്പെടും. തൊട്ടറിയുക എന്നതും, എല്ലായിപ്പോഴും ഒരേ പോലെ ആകണെമെന്നില്ല, അന്തരീക്ഷം വലിയ രീതിയിൽ അതിനെ സ്വാധീനിക്കും, ഉദാഹരണത്തിന് പൂജ്യം ഡിഗ്രി തണുപ്പുള്ള ഒരു സ്ഥലത്തു നിന്ന് 10 ഡിഗ്രി തണുപ്പുള്ള ഒരു സാധനത്തെ തൊട്ടാൽ നമ്മൾക്ക് ചൂടനുഭവപെടും. എന്നാൽ 20 ഡിഗ്രി ഉള്ള ഒരു സ്ഥലത്തു നിന്ന് 10 ഡിഗ്രി തണുപ്പുള്ള ഒരു സാധനത്തെ തൊട്ടാൽ, തണുപ്പായാണ് അനുഭവപ്പെടുക.

എന്നിട്ടും അനുഭവജ്ഞാനം ശാസ്ത്രത്തിന്റെ അടിസ്ഥാന ഭാഗമാക്കുന്നത് ആവർത്തനക്ഷമത (repeatability) യുടെ അടിസ്ഥാനത്തിലാണ്. അതായതു നമുക്ക് കിട്ടുന്ന ഫലം തന്നെ മറ്റുള്ളവർ നിരീക്ഷിക്കുമ്പോഴും കിട്ടണം. ഈ ലോകം സ്ഥിരതയുള്ളതാണെന്ന യുക്തിസഹമായ അനുമാനത്തിൻ്റെ അടിസ്ഥാനത്തിൽ ലോകത്ത് എവിടെ ആര് നടത്തിയാലും കിട്ടണം എന്നത് ശാസ്ത്രത്തിന് നിർബന്ധമാകുന്നത്അത് കൊണ്ടാണ്. ഭൂത പ്രേതാതികളുടെ അനുഭവങ്ങൾ ഉണ്ടായതായി പലരും അവകാശപ്പെടുന്നത് നമ്മൾ കണ്ടിട്ടുണ്ട്. അത് ഉള്ളതാണെങ്കിലും അല്ലെങ്കിലും ശാസ്ത്രത്തിന് അത്തരം കാര്യങ്ങൾ പഠനവിധേയമാക്കാൻ കഴിയാത്തതിൻ്റെ കാരണം അവ ആവർത്തനക്ഷമത ഇല്ലാത്തതാണ് എന്നതാണ്.

അറിവ് നേടാനുള്ള മാർഗ്ഗം പഞ്ചേന്ദ്രിയ അനുഭവങ്ങൾ മാത്രമാണ് എന്ന വാദമാണ് empiricism അഥവാ അനുഭവവാദം.