അതേ സമയം അങ്ങ് ദൂരെ മറ്റൊരിടത്ത്,
പ്രിയപ്പെട്ട Ex സുഹൃത്തുക്കളേ, എല്ലാ പ്രാവശ്യത്തേയും പോലെ ഇപ്രാവശ്യവും വിപുലമായ രീതിയൽ നോമ്പ് ആർറാറററാറാടാനാണ് Exകമ്മറ്റിയുടെ തീരുമാനം.
ഇപ്രാവശ്യവും നമ്മൾ പുറത്തിറക്കുന്ന പ്രധാന ഐറ്റം നോമ്പിൻ്റെ അശാസ്ത്രീയതയാണ്.
തഖ്‌വയുള്ളവരാകാൻ വേണ്ടിയാണ് നോമ്പെടുക്കാൻ പറയുന്നത്, ഭക്ഷണ പാനീയങ്ങളോടൊപ്പം അനാവശ്യമായ പ്രവർത്തികളും സംസാരവും ഉപേക്ഷിക്കുകയും സത്കർമങ്ങൾ അധികരിപ്പിക്കലുമാണ് നോമ്പിന്റെ തത്വം. എന്നാൽ ഇങ്ങനെയൊക്കെ ചെയ്താൽ തഖ്‌വയുണ്ടാകുമെന്നതിന് ശാസ്ത്രീയമായ തെളിവില്ല. ഇത് സ്ഥിരീകരിക്കാനായി നമ്മുടെ അന്താരാഷ്ട്ര കമ്മ്യൂണിക്കേഷൻ വിങ് കമാണ്ടർ ഹക്കീം പോപ്സ് നാസയെയും യുനെസ്കോയെയും നേരിട്ട് ബന്ധപെട്ടപ്പോൾ അവർ തഖ്‌വയെ കുറിച്ച് കേട്ടിട്ട് പോലുമില്ല എന്ന മറുപടിയാണ് കിട്ടിയത്.
ഒന്നുകൂടി ഉറപ്പ് വരുത്താനായി നമ്മുടെ Ex സൈന്റിഫിക്ക് റിസർച് വിങ് കമാണ്ടർ ലീക്കലവി സ്വന്തമായി പരീക്ഷണവും നടത്തി. ഒരു ടെസ്റ്യൂബിൽ കൃത്യമായ ഇടവേളകളിൽ പുട്ട് കടല, ചോർ, ചപ്പാത്തി എന്നിവ നിറക്കുകയും മറ്റൊന്ന് കാലിയാക്കി വെച്ച് മഗ്‌രിബിന്റെ സമയം വരെ നിരീക്ഷിച്ചു. തഖ്‌വയും വന്നില്ല, ജ്യോതിയും വന്നില്ല. വെറും അശാസ്ത്രീയമായ അന്ധവിശ്വാസമാണ്.
അതിലുപരി നോമ്പെടുക്കുന്നത് ആത്മഹത്യയാണെന്ന് നമ്മുടെ Ex ഹോമിയോ ഡോക്ടർ ശാസ്ത്രീയമായി കണ്ടെത്തുകയും ചെയ്തിട്ടുണ്ട്. ഇത്തരത്തിൽ ഇത് വരെ മരിച്ചവരുടെ എണ്ണം രവി സെർ എണ്ണി തിട്ടപ്പെടുത്തി കൊണ്ടിരിക്കയാണ്. ഔദ്യോഗിക കണക്ക് ഉടൻ പുറത്ത് വിടും. എന്നാൽ ഈ കണ്ടെത്തൽ നമ്മുടെ തന്നെ മുതിർന്ന Ex ഫണ്ഡിതൻ്റെ “ആത്‍മഹത്യ പുരോഗമനമാണ്, മൃഗങ്ങൾ ആത്‍മഹത്യ ചെയ്യാറില്ല” എന്ന കണ്ടെത്തലിന് വിരുദ്ധമാണ് എന്നൊരു വിമർശനം ആരോ ഉന്നയിച്ചു.
നോമ്പ് ആത്മഹത്യയാണ്, ആത്‍മഹത്യ പുരോഗമനമാണ്, സ്വഭാവികമായും നോമ്പ് പുരോഗമനമാവും, അതനുവദിക്കാൻ കഴിയില്ല. ആത്‍മഹത്യ പുരോഗമനമാണെങ്കിലും ആത്‍മഹത്യയിലേക്ക് നയിക്കുന്ന നോമ്പ് പ്രാകൃതമാണ്‌. ഈ പ്രശ്നം പരിഹരിക്കനായി തുടക്കത്തിൽ ആർട്ടിക്കിൾ 51A[h] കട കട കട ബ്ലാ ബ്ലാ ബ്ലാ എന്നെഴുതി കാണിച്ചാൽ മതി. ഇത് കാണിച്ച ശേഷം എന്ത് പോഴത്തരം പറഞ്ഞാലും അത് താനേ ശാസ്ത്രീയവും യുക്തിഭദ്രവും ആകുമെന്ന് രവി സെർ സംശയലേശമന്യേ തെളിയിച്ചതാണ്.
മറ്റൊരു പ്രധാന കാര്യം ഉണർത്താനുള്ളത്, നോമ്പിന് മലപ്പുറത്തേക്ക് ഷോഡ കുടിക്കാൻ പോയി ബോധം കെടാൻ പേര് തന്നവർ ആദ്യ പതിനഞ്ച് മുൻപ് തന്നെ പോകാൻ തയ്യാറാവുക. അവസാനമാകുമ്പോൾ പെരുന്നാൾ ഷോപ്പിങ്ങുമായി ബന്ധപ്പെട്ട ട്രാഫിക് ബ്ളോക് ഉണ്ടാകാൻ സാധ്യതയുണ്ട്.
ഇത്തവണത്തെ നമ്മുടെ നോമ്പ് പരിപാടികൾ സ്പോൺസർ ചെയ്യുന്നത് Itch Guard Plus ആണ്. എല്ലാവരും പരമാവധി വാരിത്തേക്കുക.
