എടപ്പാളിൽ കോവിഡ് വാർഡിൽ ബന്ധുക്കൾ ആരുമില്ലാതെ മരണാസന്നയായ രോഗിക്ക് ഡോ. രേഖ കൃഷ്ണൻ ശഹാദത്ത് കലിമ ചൊല്ലികൊടുത്ത വാർത്ത കേട്ടപ്പൊ നാസ്തിക ദൈവം രവിചന്ദ്രൻ്റെ ഹാലിളകി. എങ്ങനെ ഇളകാതിരിക്കും, അമ്മാതിരി അശാസ്ത്രീയാതെയല്ലേ ഡോക്ടർ കാണിച്ചത്!
മിനിമം ഒരു 3.14°C സൈന്റിഫിക് ടെമ്പറെങ്കിലുമുള്ള ഒരു നാസ്തികൻ ഒരാൾ മരിക്കാൻ കിടക്കുന്നത് കണ്ടാൽ അയാളോട് പറയുക, നിങ്ങൾ ഒരു പ്രത്യേക രീതിയിൽ ക്രമീകരിച്ച കുറെ മോളിക്യൂളുകളും പ്രോട്ടീനുകളും മാത്രമാണ്. വെറും മാംസയന്ത്രം. നിങ്ങളുടെ ചുറ്റും കാണുന്ന ഈ മേശയും കട്ടിലുമൊക്കെപ്പോലെ മാത്രമുള്ള കുറെ ആറ്റങ്ങൾ. എക്സ്പയ്റി ഡേറ്റ് കഴിയുമ്പോ ഇതൊക്കെ പുനഃക്രമീകരിച്ചു നട്ടം തിരിഞ്ഞു മറ്റെന്തിങ്കിലുമൊക്കെ ആയി മാറും. അത് പോലെ നിങ്ങളും നട്ടം തിരഞ്ഞു പുനഃക്രമീകക്കാൻ പോവുകയാണ്. നിങ്ങനുഭവിച്ച സന്തോഷവും സങ്കടവും സ്നേഹവും എല്ലാം നിങ്ങളുടെ തലച്ചോറിലെ മസ്തിഷക രാസപ്രവർത്തങ്ങളുടെ ഫലമായി ഉണ്ടായ ഒരോ ഡിങ്കോൾഫികളാണ്. അതിലൊന്നും ഒരു ഡാഷുമില്ല. നിങ്ങളുടെ മുൻപ് ഇത് പോലെ കുറെ ആളുകൾ എക്സ്പയ്റായി പുനഃക്രമീകരിച്ചു പോയി, കട്ടവനും തട്ടിയവനും കൊന്നവനും തിന്നവനും എല്ലാവരും പുനഃക്രമീകരിച്ചു. ഒന്നിലും ഒരു കഥയുമില്ല ഒരു അർത്ഥവുമില്ല. ആ ഗൈറ്റിനടുത്ത് കാണുന്ന പ്രതിമയില്ലേ? അതിൻറെ തലമണ്ട ഒരാൾ അടിച്ചു പൊട്ടിച്ചാൽ എന്ത് സംഭവിക്കും? അത് പുനഃക്രമീകരിച്ചു പോകും അത്രയേ ഒള്ളു ഇതിലൊക്കെ, അല്ലാതെ ഒരു ഡാഷുമില്ല. അത് കൊണ്ട് ധൈര്യമായി പുനഃക്രമീകരിച്ചു കൊള്ളുക. എല്ലാ ആശംസകളും!
പക്ഷേ ജീവിച്ചിരിക്കുന്ന നാസ്തികരെ ഉദ്ധരിപ്പിക്കുമ്പോ സൈന്റിഫിക് ടെമ്പറിൽ ഒരല്പം ഇടിവ് കാണുന്നുണ്ട്. ഈ വെറുതെ കിടന്നു നട്ടം തിരിയുന്ന ആറ്റങ്ങളുടെ ഡാഷിൽ നിന്ന് എവിടുന്നാണ് മാനവികതയും ധാർമികതയും മനുഷ്യാവകാശവും സ്വാതന്ത്രയുമൊക്കെ പൊക്കികൊണ്ട് വരുന്നത്? ഭൗതികപ്രപഞ്ചത്തിൽ അങ്ങനെ ഒരു കോക്കനട്ടുമില്ല. എല്ലാം വായുവിൽ എഴുതിക്കൂട്ടുന്ന ഓരോ ഡാഷ് അന്ധവിശ്വാസങ്ങൾ.
ശാസ്ത്രം ജയിക്കട്ടെ! അന്ധവിശ്വാസങ്ങൾ തുലയട്ടെ. അതിലേറെ നാസ്തിക ദൈവത്തിന് ചങ്ക് പറയുന്നത് ഇങ്ങനെ വല്ല സൗഹാർദ്ദവും എവിടെയെങ്കിലും കണ്ടാലാണ്.
