ആദ്യ സ്റ്റെപ്പ് താരതമ്യേനെ എളുപ്പമാണ്. നേരെ പോകുന്നു മൂന്നാലു വട്ടം നിർബന്ധിക്കുന്നു, ആള് മതം മാറുന്നു. അതിനു കൂട്ടാക്കുന്നില്ലെങ്കിൽ വീണ്ടാമതും മൂന്നാലു വട്ടം മര്യാദക്ക് നിർബന്ധിക്കുക. എന്തായാലും മാറിയിരിക്കും, മാറണം മാറേണ്ടതാണ്.
ഇനിയാണ് യഥാർത്ഥ വെല്ലുവിളി, ആള് ശരിക്കും മതം മാറിയോ നമ്മളെ പറ്റിക്കാൻ വേണ്ടി പറഞ്ഞതാണോ എന്നറിയണമല്ലോ. നമ്മൾ പോയതിനു ശേഷം ജഗതിയുടെ നിന്റപ്പൻ വിശ്വസിച്ചു എന്ന ഡയലോഗടിക്കാനുള്ള സാധ്യതകളുണ്ട്. സ്വന്തം ഇച്ഛകൾക്ക് അതീതമായി ദൈവത്തിൻ്റെ ഇച്ഛക്കനുസരിച്ച് ജീവിക്കാനുള്ള, ആയാളും ദൈവവും തമ്മിലുള്ള പ്രതിജ്ഞയാണല്ലോ വിശ്വാസം. ആത് കൊണ്ട് കണ്ടു പിടിക്കാൻ ഇച്ചിരി പ്രയാസമാണ്. ഇവിടെയാണ് നമ്മൾ ടെക്നിക്കും ടെക്നൊളജിയും പ്രയോഗിക്കേണ്ടത്.
ആത്മീയവും വിശ്വാസപരവുമായ കാര്യങ്ങളൊക്കെ ബ്രയിനിലെ left inferior parietal lobule ലെ parietal cortex ൽ ആണെന്ന് ന്യുറോ സയൻസ് ഈയടുത്ത കാലത്താണ് പറഞ്ഞതെങ്കിലും നമ്മക്കിതൊക്കെ നേരത്തെ അറിയാല്ലോ. അപ്പൊ നമ്മൾ ചെയ്യേണ്ടത് ആളുടെ തലയിൽ ആ പറഞ്ഞ സ്ഥലത്തിന് മുകളിലായി ചെറിയ രണ്ടു തുളയിടണം, എന്നിട്ട് രണ്ട് വയർ കണക്ട് ചെയ്ത് തലക്ക് മുകളിൽ ഒരു ട്രസ്റൻമിറ്റർ ഘടിപ്പിക്കണം. ആൾ വിശ്വാസം മാറ്റിയോ? ആത്മീയത ലെവൽ എത്രയുണ്ട് തുടങ്ങിയ കാര്യങ്ങൾ നമ്മുടെ IT സെല്ലിലേക്ക് ട്രാൻസ്മിറ്റ് ചെയ്ത് കൊണ്ടേ ഇരിക്കും. തട്ടിപ്പുകാരെ എളുപ്പത്തിൽ പിടികൂടുകയും ചെയ്യാം.
പിന്നെയുള്ള വെല്ലുവിളി ആൾ മത കാര്യങ്ങളൊക്കെ കൃത്യമായി ചെയ്യുന്നുണ്ടോ എന്ന് നിരീക്ഷിക്കലാണ്. അതിനായി തലയിൽ ഒരു CCTV ഫിറ്റ് ചെയ്യും, നോമ്പ് കാലത്തു ഒരണ്ണം അഡീഷനലായി മൂക്കിന് താഴെയും ഫിറ്റ് ചെയ്യണം. പിന്നെ നാവിലൊരു ഹലാൽ ഡിറ്റക്ടർ സെൻസർ. പലിശ, കച്ചവടത്തിലെ സത്യസന്തത ഒക്കെ മനസ്സിലാക്കാൻ എല്ലാം മാസവും ഓഡിറ്റിങ് നടത്താവുന്നതാണ്. അങ്ങനെ ഒരു വിശ്വാസിയുടെ ഏകദേശം എല്ലാ കാര്യങ്ങളും ഡിറ്റക്ടറ് ചെയ്യാൻ കഴിയുന്ന ഒരു കംപ്ലീറ്റ് പാക്കേജാണിത്. എല്ലാ കാര്യങ്ങളും IT സെല്ലിലിരുന്ന് അറിയാം. എത്ര പേരെ മതം മാറ്റണം എന്നതിനനുസരിച്ച്‌ IT സെല്ലിലേക്ക് സ്റ്റാഫുകളെ റിക്രൂട് ചെയ്യേണ്ടി വരും.
നോറ്റാണ്ടുകൾക്ക് മുൻപേ നമ്മടെ കൈയിൽ ഈ ടെക്‌നോളജിയൊക്കെ ഉണ്ടായിരുന്നു എന്ന് ശാസ്ത്രത്തിൽ നമ്മക്കൊരു തേങ്ങയും അറിയില്ല എന്ന് പറയുന്ന കൂശ്മാണ്ഡന്മാർ വരെ സമ്മതിച്ചിരിക്കുകയാണ്. ഇന്ത്യയിൽ ടിപ്പുവാണ് ഇത്തരം സാങ്കേതിക വിദ്യകൾ പ്രചാരത്തിലാക്കിയത്. ഇപ്പോഴും ഈ ടെക്‌നോളജിയുടെ ടിപ്പുവിന്റെ കയ്യിൽ തന്നെയാണ്.
